راسه ای دلبره، لږ نظر کړه زما پر حال باندي
ښکل به دي په خوند کړم، د تندي پر شینکي خال باندي
راسه ای دلبره، چي خوږمن زړه درته څه وایي
ټول عمر د ژوند ئې، دئ تېر سوی په زوال باندي
راسه ای دلبره، د اغیار ګټه مو ډېره سول
پوه کړه ځان هوښیاره، د قاصد په دې احوال باندي
راسه ای دلبره، نور کینه په زړه کي مه ساته
در به دي ځواب کړم، ستا په هر ګیله من سوال باندي
راسه ای دلبره، بې له تا مي دېره خوند نه کړي
بلي مړې ډېوې کړه، په دا خپل ښکلي جمال باندي
راسه ای دلبره، بری ستا په انتظار ناست دئ
لنډي دا شېبې کړه، د خپل حسن په وصال باندي
No comments:
Post a Comment